好多家長認為寶寶突然發燒、柯多左便便、周圍搵野咬就係出牙仔，其實唔係完全正確ga!
其實寶寶不會因出牙而發燒！只係因為寶寶出牙既時後會特別鍾意咬野，因此會增加細菌感染既機會，令到大家以為出牙就會發燒。
如果寶寶無出現嚴重發燒、流鼻水或肚瀉等既現象，家長都無需太過緊張去睇醫生。反而可以參考以下幾個小貼士幫寶寶舒緩出牙仔唔舒服既感覺：
- 用寶寶牙刷比寶寶自己刷牙，軟軟既牙刷頭不但可以幫助清潔寶寶口腔，亦可以充當牙膠既角色。
- 比寶寶飲涼涼地既檸檬水，稀釋既檸檬水含有豐富維他命C，有助寶寶癒合傷口。
- 多陪寶寶傾計，通過對話、眼神交流可以令寶寶有安全感，而且有被人理解既感覺。
- 父母用手按摩寶寶牙肉，不但可以令寶寶放鬆，亦可以比父母了解出牙仔既進度喔。
- 傍晚去散步！趁太陽落山，無咁熱氣既時候帶寶寶散步，既可放電又可以放鬆心情，令寶寶可以一覺訓天光，夜晚唔會扭計！
有日塵爸爸去睇牙醫，牙醫開完藥之後就話：「有腫你就食，無就唔好食。」
塵爸爸一聽，即刻將藥全部吞曬，然後對醫生話：「邊個話我無種！？」
留言
張貼留言